गेल्या अनेक दिवसांपासून चाहते ज्या दिवसाची वाट पाहत होते तो दिवस अखेर आलाय. अभिनेत्री आलिया भट्ट आई झाली असून कपूर कुटुंबात चिमुकल्या पाहुण्याचं आगमन झालं आहे (Actress Alia Bhatt has become a mother and a little guest has arrived in the Kapoor family). आलिया भट्ट (Alia Bhatt) आणि रणबीर यांच्या लग्नाला दोन महिने पूर्ण झाल्यानंतर त्यांनी चाहत्यांना सुखद धक्का दिला होता. आलियानं सोशल मीडियावर एक पोस्ट शेअर करत चाहत्यांना गुड न्यूज दिली होती.

आता नुकतीच आलियाने अजुन एक खास पोस्ट सोशल मीडियावर शेअर केली आहे. या पोस्टमधून आलियानं आनंदाची बातमी चाहत्यांना दिली.’आमच्या आयुष्यातील सर्वात बेस्ट बातमी. आमचं बाळ या जगात आलं आहे. ती मॅजिकल गर्ल आहे. आम्ही आता पालक झालो आहोत.’ ही पोस्ट शेअर करुन आलियानं कॅप्शनमध्ये ब्लॅक हार्ट इमोजीचा वापर केला आहे. आलियानं शेअर केलेल्या या पोस्टमध्ये एका सिंहाच्या कुटुंबाचा फोटो दिसत आहे.

आलियानं ही पोस्ट शेअर केल्यानंतर अनेक नेटकऱ्यांनी या पोस्टवर लाइक्स आणि कमेंट्सचा वर्षाव केला आहे. एका नेटकऱ्यानं कमेंटमध्ये लिहिलं, ‘कपूर कुटुंबाला शुभेच्छा’

आलिया भट्टसाठी हे वर्ष खूप चांगले गेले आहे. त्याच वर्षी, 14 एप्रिल रोजी त्यांनी रणबीर कपूर (Ranbir Kapoor) सोबत सात फेरे घेतले आणि त्याच वर्षी त्यांचा पहिला चित्रपट ‘ब्रह्मास्त्र’ देखील एकत्र प्रदर्शित झाला. त्याच वर्षी आलियाने एका सुंदर मुलीला जन्म दिला.

आलिया आणि रणबीरने छोट्या पाहुण्यांच्या आगमनापूर्वीच सर्व तयारी पूर्ण केली होती जेणेकरून त्याच्या स्वागतात कोणतीही कमतरता भासू नये. रिपोर्ट्सनुसार, आलिया भट्ट नोव्हेंबरच्या शेवटच्या आठवड्यात किंवा डिसेंबरच्या पहिल्या आठवड्यात आई होणार होती. मात्र पोटदुखीमुळे ती आज आई झाली आहे. आलिया भट्टची प्रसूती रिलायन्स रुग्णालयात झाली आहे. हे रुग्णालय मुंबईतील गिरगाव येथे आहे. अलीकडेच आलियाच्या बेबी शॉवरचे विधी पार पडले. या सोहळ्यात अनेक सेलिब्रिटी दिसले. या बेबी शॉवरचे अनेक फोटो आलियाने स्वतः सोशल मीडियावर शेअर केले आहेत.